Abuzoi seksualisht me të mitur, arrestohet 33-vjeçari

Policia e Tiranës ka sjellë një bilanc të arrestimeve, ndalimeve apo shpalljeve në kërkim të disa personave në Tiranë për vepra të ndryshme penale.

‘Blutë’ ndaluan një 33-vjeçar të shpallur në kërkim për përndjekje dhe marrëdhënie seksuale/homoseksuale me të mitur.

Gjithashtu, policia ka shoqëruar një person të dyshuar për grabitje.

Ngjarja ndodhi gjatë natës rreth orës 00:25, në autostradë në rrugën Laç – Fushë Krujë, në fshatin Thumanë. Dy të rinj të moshave 30 dhe 22 vjeç, duke qarkulluar me automjetin e tyre, janë ndaluar në rrugë nga 2 automjete tip “Benz”, me persona e targë të paidentifikuar.Pasi kanë dalë nga mjetet, këta persona, i kanë vjedhur me dhunë portofolat dhe aparatet celulare.

Në ambientet e Policisë është shoqëruar një i dyshuar për ngjarjen.