Nënkryetari i LSI-së, Petrit Vasili, ka ngritur sot zërin për një problematikë të madhe që në fakt vazhdon prej kohësh. Për të disatën herë ai ka denoncuar shkeljen e madhe që po bëhet tek trau në Rrugën e Kombit. Sipas Vasilit dy koncesionarët Salillari dhe Kastrati po grabisin qytetarët me kursin e këmbimit. Pasi në vitet e fundit kontrata ka vazhduar në të njëjtat vlera dhe jo sipas kursit të këmbimit, sikur e kërkon një nga rregullat kryesorë të saj. Vasili shprehet s enë 3 vitet e fundit nuk është bërë asnjë rishikim referuar kursit të këmbimit, por kanë vazhduar në të njëjtat vlera, duke bërë që koncesionarët të përfitojnë më shumë.
Vasili përmendi se sidomos në 2021-2022 kursi i këmbimit ka pasur ndryshime drastike, por koncesionarët nuk i kanë marrë parasysh këto dhe kanë vazhduar të pasurohen në abuzim të hapur me ligjin. Ndërsa shprehet me tutje se Ministria e Transportit duhet të mbaj përgjegjësi për këtë abuzim, pasi qëllimisht ka lënë dy oligarkët të mbushin xhepat përmes këtyre abuzimeve.
“Kontrata e Koncesionit në pikën 11.4.4A detyron qartë që për lëvizje të kursit mbi 5% te bëhen ndryshimet përkatëse, deri edhe tre herë në vit, në bashkëpunim mes Koncesionarit dhe Ministrisë. Asnjë rishikim i kursit nuk ka ndodhur në thuajse 4 vjet, kur mesatarja e disa viteve nuk kalon 122 lekë për euro dhe qindra milion lekë janë përvetësuar padrejtësisht në kurriz te qytetareve dhe bizneseve. Përgjegjësia bie e gjitha mbi Koncesionarin (Salillari dhe Kastrati) dhe Ministrinë e Transporteve për mosveprimin e qëllimshëm”, shkruan Vasili në një postim në rrjetet sociale.
Ai shprehet se vetëm të Rruga e Kombit likuidimi ne lekë behet edhe sot e kësaj dite me kursin 132 lekë për euro si ne asnjë vend tjetër të globit. Ndërsa i bën thirrje SPAK dhe KLSH të veprojnë sa më parë.
Discussion about this post