Abuzonin me fëmijët dhe shpërndanin fotot, 19 të arrestuar

Policia australiane vuri në pranga 19 persona nën akuzën e rëndë të shpërndarjes në internet të materialeve pedo-pornografike.

Në operacionin e asistuar nga Byroja Federale e Hetimit u bë i mundur dhe shpëtimi i 13 fëmijëve që dhunoheshin sistematikisht nga ky rrjet pedofilësh.

Operacioni i koduar “Bakis”, nisi vitin e kaluar në Australi, pas vrasjes së dy agjentëve të FBI në Florida të Shteteve të Bashkuara, të cilët po hetonin për një çështje abuzimi.

FBI më pas informoi policinë australiane për anëtarët e një rrjetit që dyshohet se shpërndanin materialet e abuzimit të fëmijëve në Dark Web.