GJKKO ka dhënë sot dënimin me burg për 6 ish-inspektorë të IMT në Kamëz, të cilët kishin dhënë leje ndërtimi kundrejt pagesës. Mësohet se, GJKKO ka dënuar me 1 vit burg ish-krye inspektorin e IMT, Dritan Nikollin dhe 2 vite burg për Ermal Bacin.
Në kuadër të operacionit “Supervizori”, dy anëtarët e Partisë Socialiste në Bashkinë Kamëz lejonin që në zonë të ndërtoheshin punimet pa leje në këmbim të shumave monetare. Të dy personat me detyrë Inspektorë të Mbrojtjes së Territorit u kërkonin dhe u merrnin shuma monetare, në këmbim të mosndëshkimit të tyre me masa administrative, sipas legjislacionit ne fuqi.
Dritan Nikolli është i deleguari i PS-së për Laknasin. Ndërsa, Ermal Baci është komisioner i PS dhe ka shërbyer në disa qendra votimi në Kamëz. Mësohet se, 8 muaj burg janë caktuar për Arjan Hoxhaj, 4 muaj për Gazmend Balën dhe 8 muaj burg për Vjollca Kaçarin.
Discussion about this post