Ministri i Drejtësisë, Ulsi Manja, ka deklaruar sot se janë kallëzuar në SPAK 7 persona të cilët kanë abuzuar me detyrën, duke lejuar ndërtime pa leje. Sipas Manjës, rasti i parë ka të bëjë me shtimin e një kati, në një kopsht publik në Durrës. Sipas tij , përveç se janë kapur në flagrancë punonjësit, i janë vënë prangat dhe u janë dërguar emrat në SPAK 6 punonjësve të asaj njësi asdiministrative.
“Rasti i parë ka të bëjë me njësinë administrative ISHEM, Durrës. është legalizuar një vend brenda një kopshti publik, ndërtimi pa leje është bërë direkt mbi kopshtin, është shtuar një kat, aty ku mësojnë fëmijët e kësaj njësie. Legalizimi është bërë në mënyrë abuzime, zyrtarët që do të denoncohen sot në SPAK e kanë marrë legalizimin për privatin. Kemi dërguar në prokurori 6 persona, punonjës aktual e jo vetëm. Me veprimet e tyre shpërdoruan detyrën në mënyrë flagrante”, u shpreh ai.
Sipas Manjës, një tjetër rast ku punonjësit e administratës kanë abuzuar me detyrën ka ndodhur në Tiranë. Ku për një sipërfaqe toke pronësia është ndryshuar disa herë, duke kaluar sa në emër të një banori tek një tjetër dhe më pas në emër të shtetit. “Rasti i 2, i përket drejtorisë rurale 2. Në kartelën manuale të pasurive, prona rezulton shtet, ndërsa rezulton në emër të një qytetari i cili nuk ka bërë kërkesë. Në listën e trojeve, kjo pasuri një herë është në emër të një qytetari, një herë shtet, një herë në emër të një qytetari tjetër. Janë kryer veprime për sekuestrimin e tokës. Të gjitha këto janë kryer nga një person i vetëm. I njëjti person që ka kryer të njëjtat gjëra për të regjistruar pronat. Këto raste janë të parat për të cilat njësia antikorruopsion ka përfunduar hetimet, janë firmosura kallëzime”, u shpreh Manja, duke bërë të ditur se kallëzime të tjera janë regjistruar për të cilat SPAK po merre hapat e nevojshëm për të kryer hetimet. E.H/Gijotina.com/
Discussion about this post