10 personat që akuzohen se kanë abuzuar lidhur me tenderin prej 7 milionë lekësh për blerjen e një autoshkallë për zjarrfikësen e Durrësit, Apeli i Gjykatës së Posaçme kundër Korrupsionit dhe Krimit të Organizuar ka lënë sot në fuqi masat e sigurisë.
Të akuzuarit që janë lënë nën masën e sigurisë “arrest me burg” janë: Adriatik Velaj, Muhamed Likazhiu, Artan Taho, Kastriot Beqaraj, Gjergj Markolaj, Indrit Marmuhaj, që janë të gjithë zyrtarë të Bashkisë.
Ndërkohë në burg nga firmat private janë lënë Albjon Bushi dhe Riza Sulaj. Masa “arrest në shtëpi” Lulzime Rami administratore e shoqërisë R&R Group sh.p.k. dhe “detyrim për t’u paraqitur në policinë gjyqësore” për Elona Ramin, pronare e kompanisë R&R Group sh.p.k. Operacioni i SPAK u zhvillua më 29 tetor pasi sipas hetuesve të gjithë personat në bashkëpunim me njëri tjetrin kanë manipuluar garën në periudhën Maj-qershor 2020.
Tenderi i periudhës maj-qershor 2020 me fond limit 7 milion lekë u përfshinë dy kompani private R&R GRUOUP, e favorizuar për të fituar tenderin me ofertën 6.700.000, ndërsa Klosi-R COMPANY që fitoi tenderit ka ofruar ofertën më të ulët 5.500.000 lekë. Por mjeti i blerë, tip zjarrfikës nuk ishte funksional.
Discussion about this post