Një tjetër skandal i shpërdorimit të detyrës është raportuar në bashkinë e Dibrës.
Burime bëjnë me dije se, Kontrolli i Lartë i Shtetit ka kallëzuar penalisht dy punonjës të bashkisë së Dibrës, pasi kanë abuzuar me ushqimin e çerdheve. Më konkretisht dy zyrtarët, akuzohen se kanë blerë ushqime për çerdhet dhe kopshtet në kundërshtim me ligjin për prokurimin publik dhe aktet nënligjore të dala në zbatim të tij.
Në njoftimin për shtyp nga KLSH gjithashtu theksohet se janë konstatuar edhe veprime të tjera të kundraligjshme që lidhen me falsifikimin e dokumenteve dhe hyrjen e paautorizuar kompjuterike, me pasoje cenimin e ligjshmërisë së kësaj procedure prokurimi, si dhe të drejtave dhe interesave të ligjshme të shtetasve ose subjekteve pjesëmarrëse.
Në lidhje me këto shkelje, Kontrolli i Lartë i Shtetit ka depozituar në Prokurorinë e Posaçme Kundër Krimit të Organizuar (SPAK) kallëzimin penal për dy punonjës të Bashkisë Dibër, për veprat penale: “Shkelje të barazisë së pjesëmarrësve në tendera apo ankande publike”.
Discussion about this post