Junior Messias është kthyer në një nga emrat më të komentuar të skuadrës së Milan së fundmi. Megjithatë ai ka bërë thirrje që rasti i tij të mos trajtohet si një përrallë, pasi sipas tij e meriton që luan me ‘Djalli’.
Suksesi i brazilianit ka zgjuar kureshtjen e tifozëve në gjithë botën, pasi para vetëm pak vitesh ai kishte punuar me gjysmë orari si shitës, para se të promovohej në Serie A me Crotonen dhe të shënonte gol kundër Atletico Madridit në Champions League para një jave.
Edhe mbrëmjen e së mërkurës ai ishte vendimtar, pasi i shënoi dy gola në fitoren 3:0 kundër Genoas në Serie A, ku luajti edhe si titullar për herë të parë për kuqezinjtë. Ai këmbëngul se njerëzit duhet të flasin për futbollin e tij dhe jo për të kaluarën.
“Sic thotë edhe trajneri, unë jam këtu sepse e kam merituar. Koha e përrallave ka kaluar dhe e asaj që bëja dikur, tani dua të flitet për futbollin tim sot dhe për atë që e bëj sot”,-u shprehMessias për ‘Sky Sport Italia’.
Ai është bërë kështu braziliani i parë që i shënon dy gola në një ndeshje të Serie A për Milanin që prej Ronaldinhos.
“Çdo lojtar është ndryshe dhe e ka tregimin e vet”,-theksoi lojtari./K.T/Gijotina.com
Discussion about this post