Deputetja e PD, Flutura Açka ka reaguar pak para protestës së thirrur nga ish-kryeministri Sali Berisha. Açka bën thirrje në Facebook që të shmanget dhuna mes demokratëve, ndërsa shton se kush e nxit këtë të fundit do të dënohet nga historia.
“Në jemi 80 mijë demokratë, por duhet të respektojmë me paqen dhe civilizimin tonë ata 600 mijë shqiptarë që na votuan më 25 prill 2021. Ata, që i kishin varur kaq shpresa te ne, janë të trishtuar të na e shohin aq hapur etjen për të shqyer familjarin tonë, demokratin përballë. Ata nuk do të na e falin kurrë qoftë një gur të hedhur sot, as qoftë miniaturat e skenarëve dumbabaiste të vitit 1998. Kush nxit përplasje të demokratëve mes vendi sot, e dënoftë historia!”, shprehet Açka.
Ky reagim i Açkës vjen pas protestës së thirrur nga ish-kryeministri Berisha në orën 12:00 para selisë blu, ku mbështetësit e Berishës do të tentojnë të futen brenda selisë dhe të nxjerrin Bashën nga zyra.
Discussion about this post