Açka: Rama jep dorëheqen, Shqipëria po shahet në anglisht

Deputetja e PD-së Flutura Açka ka reaguar lidhur me arrestimin e ish-zyrtarit të FBI-së, duke kërkuar dorëheqjen kryeministrit Edi Rama.

Përmes një postimi në rrjete sociale ajo shkruan se për shkakun e tij Shqipëria po shahet sot në gjuhë të huaj.

Deputetja e PD-së shton se lidhja ndërmjet McGonnigal, ish-funksionarit të Sigurimit të Shtetit komunist dhe Edi Ramës provohet nga një seri ngjarjesh.

Postimi i Açkës:

Kryeministër, jep dorëheqjen!

E ke me zë e me figurë.

Për shkakun tënd Shqipëria po shahet sot në gjuhë të huaj. Turp!

Nëse ke një fije dinjitet, largohu!

Bashkë me ish-funksionarin e Sigurimit të Shtetit komunist, McGonnigal ka zhvilluar aktivitet lobimi dhe udhëtime në Europë në shkëmbim të 225,0000 dollarëve të përfituara nga ish-funksionari komunist. Lidhja ndërmjet McGonnigal, ish-funksionarit të Sigurimit të Shtetit komunist dhe Edi Ramës provohet nga një seri ngjarjesh.