Adele ka befasuar me pohimin e fundit se “një pyetësor i personalitetit në një revistë” e shtyu që të divorcohej nga bashkëshorti Simon Konecki në 2019. Këngëtarja e njohur ishte e lidhur me Koneckin për tetë vjet përpara se të ndaheshin.
Ajo pohoi për Oprah Winfrey, se prej disa kohësh, nuk ndihej e më e lumtur në martesën e saj. Kur kreu pastaj një test personalitetit në një revistë, rezultati i tij e ndihmoi të merrte vendimin.
Edhe kënga e saj e re ‘Easy On Me’ nga albumi i ri ‘30’ fokusohet në ndarjen e saj “të vështirë” me Simon.
Adele rrëfeu se pyetja e testit: “Cila është ajo gjë që nuk do të donit kurrë ta mësonin të tjerët?”, ishte për të një thirrje zgjimi: “Është fakti se nuk jam e lumtur, se nuk jam duke jetuar, por vetëm ‘duke shtyrë’ përpara”, është shprehur ajo, ndërsa më herët pohoi se ndarja e kishte tronditur aq shumë sa “trembej se nuk e njihte mirë veten”.
Discussion about this post