Adele po përflitet sërish për një lidhje dhe këtë herë nuk ka të bëjë aspak me një person nga bota e muzikës. Këngëtarja u shfaq ditën e djeshme në finalen e NBA me Rich Paul. Të dy ata u ulën përkrah njëri-tjetrit dhe kjo dalje është konsideruar si shumë e rrallë për dyshen.
Pasi u shfaqën bashkë në publik nisën dyshimet për një lidhje, të cilat u forcuan akoma dhe më shumë nga një reporter i “ESPN”. Teksa ishte duke komentuar mbrëmjen finale të NBA, Brian Windhorst u shpreh gjatë një emisioni se Adele është e dashura e Rich Paul.
“Rich Paul sjell të dashurën e tij në ndeshje dhe ulet afër LeBron. E dashura e tij është Adele. Rich Paul është në ndeshje me Adele… Kjo është hera e parë që ata shfaqen bashkë në publik. Kështu që kjo do të jetë në të gjitha tabloidet, veçanërisht në Angli ditën e nesërme” u shpreh Windhorst mjaft i bindur për lidhjen e dyshes.
Ndërkohë Adele dhe Rich Paul nuk shfaqën asnjë shenjë afeksioni ndaj njëri-tjetrit gjatë ndeshjes. Nga ana tjetër askush nuk i ka konfirmuar zërat nga protagonistët deri më tani. Nëse lajmi është i vërtetë, ky do të jetë një nga çiftet më surprizues në showbizin e huaj. Adele është përfolur më herët për një histori dashurie me Drake, Skepta dhe madje edhe me Harry Styles. Kujtojmë se ajo është beqare prej muajsh, pasi finalizoi pak kohë më parë divorcin me ish-bashkëshortin, Simon.
