Shoqëria e Administrimit të Mbetjeve të Qarkut Korçë më duket se ngatërron paratë me mbeturinat dhe i hedh ato ku të mundet. Nuk janë të pakta raste të dokumentuara me foto dhe video ku tregohet se edhe në qytetin e Korçës ndotja e mjedisit dhe grumbullimi i mbeturinave pa kriter mbetet problem. Por institucioni përgjegjës në vend të merret me administrimin e kësaj problematike, shpenzo miliona lekë për naftë. Në këtë pikë lind pyetja pse duhet të shpenzohet aq shumë naftë, kur institucioni në fjalë nuk po kryen detyrën që i takon? Për ku lëvizin kaq shumë punonjësit e saj, për aq kohë sa në terren as nuk duken?
Në këtë dokument më poshtë tregohet qartë, që mendja e tyre punon vetëm për të gllabëruar sa më shumë fonde që përfundojnë ën xhepat e tyre. Bëhet fjalë për tenderin me fondin limit 7. 834. 000,00 për blerje karburanti, i cili është zhvilluar totalisht në shkelje të ligjit. Së pari, Shoqëria e Administrimit të Mbetjeve ka shkelur rregullin kryesor për prokurimet, atë të një konkurrence të drejtë. Pasi në fakt nuk është zhvilluar një garë e mirëfilltë, duke qenë se për këtë tender ka shfaqur interes vetëm kompania ” Merolli Oil ” SHPK dhe kjo kompani është shpallur menjëherë fituese, duke krijuar kështu hapësira për abuzime dhe cenuar tregun. Në këtë pikë tenderi në fjalë është klasifikuar si kontratë me “Red Flag”, çka do të thotë se krijon hapësira për abuzime.
Ndërkohë shkelja tjetër është se Autoriteti Kontraktor ka mbyllur dokumentet për këtë tender, pa verifikuar më parë ofertën dhe dokumentet e kompanisë që shfaqi interes. Kështu, edhe pse ” Merolli Oil ” SHPK ka paraqitur një ofertë të njëjtë me fondin limit, sërish është shpallur fituese, madje ky tender i është falur pas asnjë problem fare. Pra, qytetit mbytet nga mbeturinat ndërsa bashkia shpenzon 8 milionë lekë për naftë, që si duket e përdorin punonjësit për përdorim vetjak.
Discussion about this post