Nga Ergys Mërtiri
Gjatë gjithë kësaj kohe kam parë komente që flasin me respekt e admirim për Putinin dhe Lavrovin, ndërsa shprehin, jo pa ironi, mëshirë, deri ne tallje, për Zelensky-n dhe SHBA-të. Ka një mentalitet provincial tek shumë shqiptarë që shfaq respekt e admirim për horrat dhe gangsterët. Putinin e shohin me simpati sepse iu duket i tillë.
Në fakt, ky është tipar i njerëzve kompleksive e ordinere dhe tregon se na duhet shumë punë për t’u bërë njerëz të qytetëruar. Të adhurosh fuqinë do të thotë të kesh probleme me sistemin e vlerave, karakteristikë kjo për njerëzit inferiorë.
Putini duhet përçmuar pikërisht pse shfaq këto sjellje. Dhe sa për forcë, i forte e trim është Zelensky, jo Putini. Me vra njerëz kur ke armë nuk është forcë njerëzore. Forcë njerëzore është kur i qëndron fuqisë përballë duke rrezikuar jetën në mbrojtje të vendit, vlerave apo dinjitetit tënd.
Respekt për luftën e ukrainasve!
Discussion about this post