Policia e Tiranës ka vijuar kontrollet, por deri më tani nuk ka asnjë informacion për vendndodhjen e ish-kryeprokurorit Adriatik Llalla. Sipas informacioneve, dyshohet të jetë larguar nga vendi ynë pak kohë përpara se gjykata te jepte dënimin me dy vite burg, ku iu konfiskua dhe pasuria. Prej atij momenti, Llalla u shpall menjëherë në kërkim kombëtar.
Tashmë kur kanë kaluar më tepër se dy javë, policia është e bindur se Llalla nuk ndodhet më në Shqipëri, ndaj i ka kthyer dhe një përgjigje SPAK-ut. Ndër të tjera policia i ka kërkuar që ai të shpallet në kërkim ndërkombëtar.
Tashmë, pas marrjes së shkresës nga policia, Struktura Antikorrupsion është e detyruar të nisë procesin për shpalljen në kërkim ndërkombëtar të Adriatik Llallës.
