Modelja, Adriola Dushi dhe këngëtari Capital T janë në qendër të vëmendjes nga mediat, kjo pasi përflitet prej kohësh për lidhjen e tyre të dashurisë dhe pavarësisht se të gjithë tashmë janë të bindur për vërtetësinë e saj, dyshja asnjëherë nuk e ka pohuar.
Së fundmi, Adrola ka qenë e ftuar në një intervistë ku padyshim që u “ngacmua” edhe për këtë pjesë.
“Sigurisht që më pëlqejnë trimat edhe patjetër që nuk mund të ishte ndryshe pa një trim në krahë.”-tha modelja duke qeshur dhe me batutë, referuar dhe emrit të vërtetë të reperit, i cili quhet Trim Ademi.
Kjo ishte një nga deklaratat më të përafërta që mund ta quajmë si një konfirmim indirekt.
Pasi u pyet për koncertin e fundit të reperit ajo u shpreh: “Jam shumë fanse e tij me thënë të drejtën, po ta shikoni telefonin tim unë nuk kam asnjë foto dhe asnjë video nga ajo natë sepse e kam shijuar pafund atë koncert.”
Më pas ajo deklaroi se nuk do ta bëjë kurrë publike romancën e saj pasi do që ta mbajë vetëm për vete jetën e saj private.
“Për të qenë e sinqertë siç ka ardhur koha dhe siç kanë ardhur gjërat nuk më pëlqen më fare që të kem asgjë publike. Nuk ka absolutisht gjë më të bukur sesa kur i shijon gjërat në privatësi domethënë çfarë shikoj unë në rrjetet sociale tmerrohem thjesht sepse ne njihemi të gjithë së bashku dhe nuk ka, se e dimë shumë mirë si shkojnë gjërat dhe kur shikoj disa tmerre, thjesht nuk i duroj dot dhe nuk dua të futem tek ajo gjë, sepse marrëdhënia është gjë shumë e shenjtë dhe nuk dua ta shes dhe të fitoj nga ajo gjëja ime dhe realisht dua që ta mbaj vetëm për veten time.
Nuk e di nëse do t’ia dal në jetën time të kem një marrëdhënie shumë private. Nuk dua që emri im të lakohet për gjëra të tilla, unë e kam të shenjtë familjen. Nuk dua që të dal dhe të bëhet publike, diçka që është e jotja personale dhe që ti e shijon, e jeton, e gëzon dhe e do.
Realisht shumë herë them që dua të zhdukem fare sepse nuk e dua, ju më njihni unë jam shumë e thjeshtë kam dëshirë që t’i shijoj gjërat e mia pa bërë shumë zhurmë”, tha Adrola.
Discussion about this post