Kombëtarja shqiptare ka filluar grumbullimin për dy ndeshjet miqësore me Italinë dhe Armeninë, që do të luhen në stadiumin “Air Albania” respektivisht më datat 16 dhe 19 nëntor.
Në nisje të këtij grumbullimi, për të folur mbi ndeshjet e rradhës dhe të ardhmen e skuadrës kuqezi, krahas Kristijan Asllanit, sot në konferencën për shtyp ishte edhe mesfushori Enis Çokaj.
Ish-mesfushori i Lokomotivës së Zagrebit e vlerësoi sfidën me Italinë, si një ndeshje të veçantë e që do të jetë një motiv krenarie për të gjithë lojtarët që do të kenë kënaqësinë të përballen me kampionët e Europës.
Ai foli edhe për transferimin e tij te Panathinaikos në fund të merkatos dhe u ndal te emocionet që jep grumbullimi në Kombëtare, ku grupin e shikon të bashkuar në çdo rast që është pjesë e kuqezinjve.
“Kisha disa vite te Lokomotiva e Zagrebit, tani jam pjesë e një prej ekipeve më legjendare në Greqi. Shpresoj të marr minuta dhe të kthehem titullar te Panathinaikosi dhe Kombëtarja. Si e shikoni Kombëtaren?
Komunikimi dhe marrëdhëniet me shokët e skuadrës janë shumë të mira, jemi si familje. Rezultatet janë çështje fati. Ndeshja me Italinë është e madhe, por të gjithë jemi gati, gjithmonë. Secili duhet të japë 100% në Kombëtare, ambientimi do edhe kohën e vet, por besoj se me kalimin e kohës do ambientohemi shumë mirë.
Transferimi në Greqi? Pak e vështirë përshtatja, isha blerja e fundit e klubit, por me punë dhe stërvitje do të kthehem titullar i skuadrës,”- deklaroi mesfushori Enis Çokaj.
Discussion about this post