Ambasada e Shteteve të Bashkuara të Amerikës në vendin tonë ka shpërndarë disa fotot të operacionit të manovrimit të aeroplan-mbajtëses amerikane në brigjet e Adriatikut.
Me anë të një postimi në rrjetet sociale, ambasada shkruan se, shkatërruesit e raketave të komanduara të klasit Arleigh Burke, USS Gravely dhe USS Bainbridge, së bashku me anijet e rojës bregdetare shqiptare Lissus (P 133) dhe Oriku (P 132), kryen javën e kaluar operacione manovrimi në detin Adriatik.
Sipas ambasadës, USS Gravely dhe Bainbridge janë së bashku me grupin Harry S. Truman Carrier Strike në mbështetje të operacioneve detare për të ruajtur stabilitetin dhe sigurinë detare, si dhe për të mbrojtur interesat e Shteteve të Bashkuara, aleatëve dhe partnerëve në Europë dhe Afrikë.
Discussion about this post