Kastrati Group pasi ka blerë nga kompania kineze kontratën e koncesionit po e përdor Aeroportin e Rinasit si të ishte Sheshi “Skënderbej” i Erion Veliajt.
Që pas marrjes të të vetmit aeroport ndërkombëtar të vendit, Kastrati menjëherë i është futur punës për të shfrytëzuar çdo centimetër të tij, për t’i përkthyer në të ardhura hapësirat e tij. Kjo vihet re në kioskat e shumta që janë hapur kohët e fundit, ku shumë biznese kanë marrë “licensën” e aktivitetit brenda ambienteve të aeroportit “Nënë Tereza”. Siç shihet dhe nga fotot, biznese si fast food apo bar kafe, kanë mbirë si “kërpurdhat pas shiut” dhe kur hynë në të, duket sikur ke hyrë në një qendër tregtare dhe argëtuese. Ndërkohë burime të sigurta, bëjnë me dije se kioskat jashtë janë pa leje.
Kastrati po i jep me qira çdo hapësirë të mundshme, kur në fakt nuk ka të drejtë ta tjetërsojë këtë ambient.
Aeroporti “Nënë Tereza”, që nga viti 2020 ka kaluar 100% në duart e një prej biznesmenëve më të mëdhenj të vendit, i cili nga Partia Demokratike është cilësuar si një nga oligarkët e vendit, Shefqet Kastratit.
Kompania e tij, “Kastrati Group” i bleu aksionet nga “Real Fortress Private Limited”, në pronësi të grupit kinez të shërbimeve financiare “China Everbright”, që në prill 2016 pasi kishte nënshkruar marrëveshjen për blerjen e të drejtave koncesionare në Aeroportin Ndërkombëtar të Tiranës.
Në ambientet e aeroportit sipas kontratës mund të qëndrojnë vetëm lokalet e tipit “Duty free shop” që duhet të marrin licencë nga Drejtopria e Përgjithshme e Doganave dhe Ministria e Financave, pasi të bëhen tenderi i dhnëies së këtyre të drejtave. Pra, Kastrati ka marrë një të drejtë që e ka ekskluzivisht qeveria shqiptare dhe nuk mund të ushtrohet nga një subjekt privat (koncesionari i aeroportit në këtë rast).
Kujtojmë se Shefqet Kastrati është pronari i koncensionit të mirëmbajtjes së “Rrugës së Kombit”, ku më shumë është kujdesur për traun e vënë në atë rrugë, sesa mirëmbajtjes së saj. Po ashtu, ai ka përfituar koncesione në portin e karburanteve në Porto Romano dhe në një numër sektorësh strategjikë të vendit, si nafta dhe transportet.
Gijotina.com
Discussion about this post