AF Elbasani fitoi në transfertë me rezultatin 0-1 ndaj Apolonisë. Me 3 pikët e marra sot në Fier, Elbasani ngjitet në vendin e 2-të të Kategorisë së Parë me 32 pikë, 6 më pak se Bylis.
Fatin e takimit e vendosi autogoli i Maksutit në minutën e 59.
Kjo ishte fitorja e dytë rradhazi e ekipit të drejtuar nga Nevil Dede, ndërsa në 5 takimet e fundit Af Elbasani regjistron 4 fitore dhe një barazim.
Ndërkohë Vora, e vendit të 3-të, rikthehet te fitorja duke mundur Flamurtarin me rezultatin 3-1. Megjithëse ekipi vlonjat kaloi në avantazh me anë të Souza de Oliveria në minutën e 12, Vora e kaloi shpejt momentin e vështirë dhe pas tetë minutash barazoi me anë të Jurgen Vrapit.
Në minutën e 40, vendasit përmbysën ndeshjen falë golit të Fatmir Prengajt. Në fraksionin e dytë, Vora gjeti edhe golin e tretë me anë të Eridon Qardakut në minutën e 59 duke vulosur trepikëshin.
Pas kësaj fitorje, Vora ngjitet në vendin e tretë me 27 pikë ndësa Flamurtari renditet në vendin e katërt po me 27 pikë.
Discussion about this post