Partia Demokratike po i nënshtrohet një sërë ndryshimesh dhe kjo referuar jo vetëm ndryshimeve të emrave politikë brenda kësaj force, por edhe bravave të dyerve. Mëngjesin e sotëm dera e hyrjes kryesore në selinë blu dhe xhamat e përparmë janë mbuluar me letër ngjitëse që kanë të printuar logon e Partisë Demokratike.
Këto lëvizje brenda selisë vijnë vetëm një ditë para përfundimit të afatit që ish-kryedemokrati Berisha i ka caktuar kreut aktual Lulzim Basha, për të liruar zyrën. Berisha pretendon se ky i fundit është i shkarkuar në mënyrë legjitime nga delegatët e Kuvendit Kombëtar të PD-së në 11 dhjetor. Në deklaratën e tij të fundit për vitin 2021, Basha u shpreh se në këtë datë s’do të ndodh asgjë, teksa shtoi se PD-ja është e përgatitur për çdo skenar.
Discussion about this post