Data nëntë nëntor shënon afatin e fundit për aplikimin e lotarisë amerikane. Për të gjithë ata qytetarë që duan të shpërngulen në “Tokën e Premtuar”, kanë afat deri ditën e sotme në orën 18:00 të pasdites për të aplikuar.
Disa ditë më parë, Ambasada Amerikane në Tiranë përmes një statusi në rrjetin social “Facebook”, ka njoftuar të gjithë qytetarët që duan të zhvendosen në Shtete e Bashkuara të Amerikës, se duhet të aplikojnë vetëm një herë për lotarinë amerikane, pasi në të kundërt do të skualifikohen automatikisht.
Data e hapjes së lotarisë ishte 6 tetori, ndërsa përgjigjet priten të dalin në muajin maj. Lotaria amerikane është një traditë tanimë e shqiptarëve që duan të largohen nga vendi i tyre drejt SHBA-së, ndaj dhe aplikimet janë më të larta nga viti në vit.
Discussion about this post