“Afera e Aeroportit të Vlorës plasi 3 javë më parë”, Berisha: Pacolli doli nga zyra e Ramës dhe…

Kryetari i Partisë Demokratike Sali Berisha ka deklaruar se afera për Aeroportin e Vlorës shpërtheu 3 javë më parë, kur një nga aksionerët dhe ish politikani i Kosovës Behgjet Pacolli, doli nga zyra e kryeministrit Edi Rama.

“Aeroporti i Vlorës falimentoi para se të fillojë funksionimin.
Faktikisht, i ndërtuar mbi një korrupsion të tmerrshëm, ngrehina e tij u shemb para fillimit të funksionimit.
Në aparencë, mediat dhe qytetarët shohin një përballje midis dy aksionerëve dhe në këtë aspekt kjo nuk është një gjë e pazakonshme.
Por kjo është vetëm në aparencë.

Afera e aeroportit të Vlorës eksplodoi tre javë më parë kur biznesmeni dhe politikani i njohur kosovar, Bexhet Pacolli, foli nga zyra e kryeministrit shqiptar.
Doli nga zyra e kryeministrit shqiptar.
Tani, që dy ortakë mund të kenë mosmarrëveshje njëri me tjetrin, kjo është një ndodhi e zakonshme.
Por që një kryeministër të implikohet në ngatërresën apo në përballjen e dy ortakëve njëri me tjetrin, kjo është gjëja më e pazakonshme.
Ky është moment i cili flet shumë më tepër se sa të gjitha të tjerat.
Pra kemi të bëjmë jo thjesht me një përballje midis dy aksionerëve, por kemi të bëjmë me një përballje midis shtetit dhe aksionerëve.
Kemi të bëjmë me një përballje të tillë, sepse nëse shfletoni arkivat e medieve, do gjeni se janë mediat ato që njoftuan fillimin e procesit kundër këtij e kundër atij, pa filluar procesi.
Por janë breshëri të pafundme mesazhesh të pushtetarëve direkt të interesuar në këtë aferë që kanë vërshuar drejt aksionerëve.
Cili është morali?
Dora e zezë e atyre që kanë stisur këtë aferë të tmerrshme është e shtetit dhe e qeverisë.

Kreu i PD Sali Berisha u shpreh se në këtë aeroport për të cilën janë premtuar 140 mln euro edhe nëse në 10 vite nuk ulet asnjë avion, tregon interesat e kryeministrit Rama, Ballukut dhe të afërmit të saj Arbër Abazi.

“Shtylla e zezë e korrupsionit është garancia e dhënë nga Balluku e pa përmbajtur.
Janë interesa kriminale të Ballës, Ramës, Ballukut dhe dhëndrit të Ballukut, djalit të Sadri Abazit.
Ka marrë kushëririn e parë të Lubisë.
Shoh që nëse në djegësin e Tiranës u vodhën para e nuk u hodh një tullë, në Aeroportin e Vlorës janë premtuar 14 mln euro edhe sikur një avion i vetëm të mos ulet në të në 10 vitet e para”, tha ai.

gijotina.com/