Brisida Shehaj, një nga përfaqësueset e Partisë së Lirisë, u shpreh mbrëmjen e sotme se një aneks ligjor në një sërë dokumentesh të kontratës së inceneratorit të Tiranës, që janë bërë publike sot, tregojnë përfshirjen direkte të kryebashkiakut Erion Veliaj në këtë aferë.
Shehaj tha në Syri Tv, se Veliaj ka marrë përsipër angazhimin e pikë suportit të lejes dhe licencave për funksionimin e kontratës së inceneratorit, por edhe aneksin e angazhimit 30-vjeçar.
“Këto tabela, angazhimi që është kryesori i firmosur tregon që ai zotëri nuk ka marrë angazhimin vetëm financiar për të paguar paratë por ka marrë angazhimin që të jetë dhe një pikë suporti e kësaj kontrate koncensionare, të asistojë, të ndihmojë që nga lejet, licencat që i duhen, shpronësimet dhe gjithçka përmban ai procesi për funksionimin e asaj kontrate koncensionare.
Shkresa e Damian Gjiknuirit na tregon që ky zotëria ka qenë ai që ka pasur detyrën kryesore sepse ai nuk e ka kundërshtuar shkresën e Gjiknurit, por mbas asaj shkrese, Erion Veliaj ka firmosur aneksin e angazhimit 30-vjeçar që është aneksi ligjor, pjesë përbërëse integrale e kontratës konçensionare. Më pas do dërgojë dhe nenin e kontratës që e tregon këtë gjë”, tha ajo.
Shehaj kërkoi nga SPAK që të hetojë për këtë çështje duke hulumtuar procedurën që ka ndjekur Erion Veliaj.
“SPAK-u e ka shumë të thjeshtë. Duhet të shohë procedurën që ka ndjekur Erion Veliaj.
SPAK-u duhet të marrë procedurën e Bashkisë Tiranë, duhet të marrë edhe procedurën e Kavajës që është bërë në vitin 2021 dhe aty duhet të kuptojë fare qartë që Erion Veliaj ishte i detyruar që këtë aneks kontrate ta kalonte me këshill bashkiak, por është ajo që tha zoti Berisha sot që do i duhej një shumicë e cilësuar prej 3/5 për të kaluar një vendim të tillë sepse është një vendim që për 30 vjet duhet të kenë kaluar disa kryetar bashkie që do ta zbatojnë atë gjë, sepse 4 vite është një mandat”, u shpreh ajo.
Discussion about this post