Kryetarja e LSI-së, Monika Kryemadhi, ka dalë sot në një deklaratë për mediat sa i përket çështjes së inceneratorëve, që tani është kthyer në bisede fokus për politikën shqiptare. Në deklaratën e saj, Kryemadhi ka publikuar dokumente ku sipas saj vërtetojnë se funksionarë të lartë shtetërorë duke nisur nga kryeministri Rama, tek ish-ministri Lefter Koka dhe drejtori i APP, që sipas saj kanë firmosur për të ashtuquajturën afera e inceneratorëve.
“Po evidentoj sot para jush përgjegjësinë e Edi Ramës, Engjëll Agaçit, ish- ministrit Koka, në miratimin e një koncesioni të paligjshëm, duke shkelur çdo parashikim të ligjit.
Shikoni sesi, zoti Eduard Ahmeti, në cilësinë e drejtorit të agjencisë së prokurimit publik, e ka njoftuar zyrtarisht ministrin koka dhe sekretarin e përgjithshëm të këshillit të ministrave, Engjëll Agaçi, se procedura e përzgjedhur “negocim pa shpallje” për inceneratorin e Elbasanit, nuk parashikohet në legjislacionin e koncesioneve.
Sekretari i përgjithshëm, Agaçi, i cili është personi përgjegjës në bazë të ligjit 9000/2003 “për organizimin dhe funksioninim e këshillit të ministrave”, për organizimin e rendit të ditës së mbledhjeve të këshillit të ministrave, si dhe është personi përgjegjës për verifikimin e përputhshmërisë ligjore të akteve që futen për miratim në mbledhjen e këshillit të ministrave, me vetëdije ka vazhduar procedurën e miratimit të VKM për financimin e një kontrate të paligjshme, edhe pas njoftimit nga agjencia e prokurimit publik”, u shpreh ajo.
Në përfundim, Kryemadhi iu bën thirrje prokurorëve të SPAK-ut që të thellojnë hetimet për miratimin e koncesioneve të paligjshëm.
Discussion about this post