Kreu i Grupit Parlamentar të PD, Gazment Bardhi i është drejtuar zyrtarisht me një shkresë SPAK, për ta vënë në dijeni lidhur me aferën McGonigal.
Në shkresën e publikuar dhe përcjellë zyrtarisht institucionit të organit të akuzës së Posaçme, Bardhi thekson se Rama nuk mund të jetë mbi ligjin, ndërsa i kërkon SPAK të mos heshtë edhe shumë gjatë.
Referuar të dhënave të reja të bëra publike nga Departamenti i Drejtësisë së SHBA për aferën McGonigal, Bardhi thotë se SPAK, duhet të provojë përgjegjësinë penale të Edi Ramës në këtë çështje.
“Edi Rama nuk mund të jetë mbi ligjin dhe SPAK nuk mund të hesht edhe shumë gjatë!
Sot i jam drejtuar zyrtarisht SPAK për ta vënë në dijeni të të dhënave të reja të bëra publike nga Departamenti i Drejtësisë së SHBA lidhur me aferën McGonigal.
Hetimi amerikan i kësaj afere korruptive është i plotë, përgjegjësia penale e Edi Ramës e provuar dhe SPAK duhet vetëm të zbatojë ligjin dhe të mos e mbrojë Kryeministrin më të korruptuar në Europë“, shkruan Bardhi.
Shkresa drejtuar SPAK:
Discussion about this post