Afera me pronat/ Apeli lë në burg ish-kreun e njësisë administrative Bërxullë

Gjykata e Apelit ka lënë në burg ish-kreun e njësisë administrative Bërxullë Ymer Marku.

Apeli nuk ka pranuar kërkesën e Markut për masë më të butë sigurie. Bashkë me të janë lënë në burg edhe shtetasit Agim Loci dhe Kujtim Allmeta, për përvetësimin e 7500 metrave tokë përmes procedurave ilegale.

Nga hetimet e kryera ka rezultuar se këta shtetas, në bashkëpunim me njëri-tjetrin, duke shpërdoruar detyrën, kanë falsifikuar dokumentet e një sipërfaqeje toke, në fshatin Bërxullë.

Gjithashtu, në kuadër të operacionit, është sekuestruar një sipërfaqe toke 7500 m2, në fshatin Bërxullë, bashkia Vorë.