Kryetari i Partisë së Lirisë, Ilir Meta në një dalje për mediat ka zbuluar nismën e re që do të ndërmarrë forca e tij politike në Kuvend. Meta tha se së shpejti do të dërgohet në Kuvend një iniciativë ligjore që indekson pagat.
Meta tha se Rama po zhvat qytetarët përmes aferës së “zezë” që janë inceneratorët duke marrë të ardhura marramendëse me firmat e të vdekurve ose të barinjve që nuk jetojnë në Shqipëri.
“ Së shpejti iniciativë ligjore për indeksimin e pagave në kuvend. Mbi 67% e popullsisë jeton në kufirin e varfërisë.
Të ardhurat neto mujore në zonat rurale, janë 3.1 dollarë. Të ardhurat mujore, në zonat rurale 0.9 dollarë. Të ardhurat mujore për familje me ndihmë ekonomike, të ardhurat janë 0.7 dollarë. Pse? Sepse të ardhurat do të shkojnë për super aferat e zezë të shtetit.
I mban njerëzit peng, mban peng të ardhurat e qytetarëve me firma të vdekurish që janë ndarë nga kjo botë, ose barinjsh që nuk jetojnë këtu. Rama zhvat qytetarët me inceneratorët”-tha Meta.
Discussion about this post