Shteti shqiptar ka vendosur të strehojë rreth 4 mijë afganë të cilëve i’u kërcënohet jeta në vendlindje pas marrjes së pushtetit nga talebanët. Aktualisht në vendin tonë kanë mbërritur disa qindra shtetas afganë të cilët janë akomoduar në disa prej komplekseve në zonën e bregdetit në Durrës.
Afganët po qëndrojnë nën masa të rrepta sigurie. Afati te cilin i kanë thënë që të jenë në gatishmëri për pritjen e Afganëve është 6 muaj.
Kompleksi ka “siguri të lartë” dhe nuk mund te hyj askush. Ka sigurim privat dhe shtetëror të cilët qëndrojnë gjatë gjithë kohës pranë perimetrit të kompleksit.
Siç shikohet edhe nga pamjet fëmijët afgan po argëtohen në pishinat e resortit ku janë akomoduar bashkë me familjarët e tyrë. Një realitet krejtësisht ndryshe nga ai që po ndodh aktualisht në Afganistan ku situata po rëndohet nga dita në ditë për shkak edhe të sulmeve terroriste.
