Afganët që mbërritën sot në Rinas janë zhvendosur në qytetin e Durrësit, ku edhe janë akomoduar në hotelet përkatëse.
Burime për Gijotina.com, shprehen se nga 121 afganët, 60 prej tyre janë akomoduar në “Vila Belveder”, ndërsa 60 të tjerë janë në “Prestige Resort”. Për pjesën tjetër nuk ka ende informacion rreth akomodimit.
Këta persona nuk do të lejohen të dalin nga territori i përcaktuar i godinave të hotelit. Gjithashtu, ata do të monitorohen 24 orë nga Policia e Shtetit, firma private sigurimi, një ndër to dhe firma që ruan Muxhahedinët në Manëz.
121 afganët e parë mbërritën në vendin tonë rreth orë 03:00 të mëngjesit të sotëm, ku në aeroportin e Rinasit u pritën nga ministrja Olta Xhaçka, ambasadorja Yuri Kim, nga struktura të ushtrisë dhe ekipe shëndetësore të cilat ishin në gatishmëri.
