Strehimi i afganëve në hotele luksoze të cilat kanë kosto të madhe ka ngritur pikëpyetje për atë se çfarë fshishet pas këtij vendimi. Burime kofidenciale bëjnë me dije se fatura e afganëve të strehuar në hotele paguhet nga Fondacioni Soros dhe shteti shqiptar nuk paguan asnjë qindarkë. Të gjithë bashkëpunëtorët, të punësuarit e Fondacionit Soros në Afganistan janë strehuar në Shqipëri në hotele luksoze.
Kjo shpjegon edhe faktin se përse kryeministri Edi Rama shkoi për t’i vizituar nga afër me dhurata për secilin prej tyre, ndonëse më herët deklaroi se nuk do të lejonte medien të filmonte për shkak se do të ekspozonte afganët.
Grupi i parë i afganëve prej 121 afganë u strehuan në një resort luksoz tek Mali i Robit në Kavajë. Të nisur nga Tbilisi i Gjeorgjisë, grupi prej 121 afganë bashkë me familjet e tyre ishin punonjës në Afganistan të Fondacionin të Sorosit “Shoqëria e Hapur”. Siç e do edhe zakoni, kryeministri shkoi edhe në mbrëmje, ku fëmijëve afganë iu dhuroi lodra.
Prej dy ditësh Shqipëria ka nisur pritjen e refugjatëve afganë që ia kanë dalë të largohen nga Afganisti duke shpëtuar nga talebanët dhe situata e sulmeve atje. Mes kamerave, pritjes ceremoniale të ambasadores Yuri Kim, ministres Olta Xhaçka dhe kryeministrit Edi Rama, 275 afganë tashmë janë të sigurtë, dhe ky është një lajm shumë i mirë.
