Deputeti i PD, Arbër Agalliu, ka denoncuar përmes një postimi rrjetin social Facebook rastin e një fshati në Vlorë, i cili është izoluar. Ai tregon se ura që lidh fshatin Kallarat me qytetin është shembur, duke lënë të bllokuar banorët e zonës. Sipas tij, kjo tregon se qeveria i bënë punët ‘shkel e shko’, pasi kjo urë është ndërtuar vetëm 5 vite më parë.
“Në fshatin Kallarat, Vlorë, është shembur plotësisht ura. Kjo ka bërë që të ngelen të izoluar njerëz dhe bagëti, të cilët rrezikojnë nga koha e keqe. Kjo urë është ndërtuar para 5 viteve dhe para 3 viteve i është nënshtruar rikonstruksionit. Kjo vërteton edhe njëherë sesi abuzohet me këto vepra”, shkruan ai, ndërsa i bënë thirrje qeverisë që të marrë masa sa më parë për shkak se banorët janë izoluar dhe rezervat ushqimore po ju mbarojnë.
Discussion about this post