Kryetari i Partisë Demokratike, Sali Berisha pasi doli nga SPAK foli për mediat, duke thënë se “aty gjeti Ergys Agasin, i cili po festonte sepse ndaj tij nuk ka një urdhër arresti ndërkombëtar”.
Sipas Berishës, Agasi edhe pse është në kërkim, shkon shpesh në Surrel, duke lënë të kuptohet se takohet me kryeministrin Rama.
“Aty gjeta Ergys Agasin bashkë me Irena Dumanin, Maneku, Gjoka etj. Gysi festonte se asnjë mandat ndërkombëtar nuk është lëshuar për arrestimin e tij. Gysi gjoja është në kërkim. Ai në fakt rrugën më të shpeshtë që bën e bën për në Surrel. Po ta quajmë Surrelin një republikë tjetër mund ta themi, por ai është një vizitor i shpeshtë i Surrelit”, tha Berisha.
Më pas Berisha u ndal edhe tek gjyqtarja Irena Gjoka, për të cilën hedh akuza se ajo është dënuar në Greqi dhe ka falsifikuar formularët që ka plotësuar për Vettingun.
“Rama dhe Altin Dumani nxorën të pafajshme Irenën me 5 mbiemra. Ky është një rast unik në historinë e drejtësisë, sesi një kriminele dhe delikuente hap dosje me urdhër të Ramës me qëllimin e vetëm për tu nxjerrë e pafajshme”, deklaroi ndër të tjera Berisha.
Discussion about this post