Senatori Robert Menendez është deklaruar i pafajshëm për akuzat që pretendojnë se ai ka vepruar si agjent i Egjiptit ndërsa shërbente si anëtar i Kongresit.
Senatori akuzohet se ka dhënë “informacione të ndjeshme të qeverisë amerikane” për të ndihmuar qeverinë e Egjiptit.
Prokurorët pretendojnë se ai dhe gruaja e tij Nadine kanë pranuar ryshfet që përfshinin tufa me shufra ari dhe një makinë luksoze.
Menendez, i cili ishte deklaruar i pafajshëm për akuzat për ryshfet më herët, është zotuar të mos japë dorëheqjen.
Senatori dhe gruaja e tij – e cila gjithashtu është deklaruar e pafajshme – dolën dorë për dore nga salla e gjyqit në Manhatan të hënën dhe hipën në një makinë pa marrë asnjë pyetje nga gazetarët, sipas Associated Press.
Në aktakuzën origjinale muajin e kaluar, prokurorët federalë thanë se çifti mori ryshfet nga tre biznesmenë të Nju Xhersit, në këmbim të përdorimit të pozicionit të zotit Menendez për të nxitur rritjen e ndihmës amerikane dhe shitjet ushtarake në Egjipt.
Prokurorët shtuan një tjetër akuzë në tetor, duke pretenduar se zoti Menendez përdori “influencën dhe fuqinë e tij për të shkelur detyrën e tij zyrtare në mënyra që përfitonin Qeverinë e Egjiptit”.
Gjatë kohës së tij në Komitetin e Marrëdhënieve me Jashtë të Senatit – nga i cili ai tani ka dhënë dorëheqjen – Menendez dyshohet se inkurajoi kolegët senatorë të heqin kufizimin e 300 milion dollarëve (246 milion £) në ndihmë për Egjiptin dhe ofroi informacione të ndjeshme të qeverisë amerikane për ta ndihmuar atë, sipas tek prokurorët.
Aktakuza pretendon se komploti ka ndodhur midis janarit 2018 dhe qershorit 2022.
Sipas ligjit amerikan, anëtarët e kongresit nuk mund të punojnë në emër të qeverisë së një vendi tjetër.
Discussion about this post