Real Madridi nuk humb detajet e disa futbollistëve. Një prej tyre është Kvicha Kvaratskhelia, i cili po tingëllon sërish i fuqishëm, sipas asaj që ka thënë agjenti i tij.
Nëse muajt e fundit ka pasur një protagonist të madh në lajmet e merkatos rreth Real Madridit, ai ka qenë Kylian Mbappé. Meqenëse ai njoftoi se nuk do rinovonjë kontratën me PSG-në, dukej qartë se nënshkrimi i tij do të ndodhte këtë vit.
Megjithatë, tashmë e dimë që përfundimisht sulmuesi do qëndrojë me francezët deri në vitin 2024, gjë që bën që emrat e tjerë të fitojnë sërish terren si nënshkrime të mundshme.
Dhe, me pasigurinë e Kylian, Kvaratskhelia është rikthyer sërish në skenë. Sulmuesi i Napolit ishte një nga zbulimet e sezonit të kaluar, duke e ndihmuar jashtë mase ekipin “axurr” në fitimin e titullit Kampion të Italisë.
Real Madridi ishte shumë i vëmendshëm ndaj tij, si një përforcim i mundshëm për të ardhmen. Dhe tani, pas fjalëve të agjentit të tij, ai është sërish një kandidat potencial për të veshur uniformën e bardhë.
Mamuka Jugeli, agjenti i Kvaratskhelia, ka dhënë një intervistë për CalcioNapoli24, dhe në të një nga temat që kanë prekur është interesimi që ka ngjallur te Real Madrid.
Për momentin ai konsideron se “ne nuk po shqyrtojmë mundësinë e largimit nga Napoli”. Megjithatë, ata hapin derën për të ardhmen: “Kur Kvara të jetë gati të luajë për Realin, kjo me shumë mundësi do të realizohet. Megjithatë do të vlerësohet në të ardhmen.”
Gjeorgjiani do të vazhdojë të japë spektakël në Itali, por agjenti i tij nuk ka probleme me ardhjen e tij në Real Madrid. Për më tepër, ai flet se është e mundur kur të jetë gati, diçka që mund të bëhet pas disa muajsh.
Discussion about this post