Hetimi milanez për krimet tatimore ka përfshirë dy agjentë Pietro Chiodi dhe shqiptarin Fali Ramadani. Të dy personazhe të njohur të futbollit po hetohen për pastrim parash dhe vetë-pastrim, të përqendruar në komisione në transaksione të ndryshme të blerjes dhe shitjes së lojtarëve.
‘Ansa’ raporton se dy agjentët do të përgjigjen përpara prokurorisë për të ndihmuar në zbardhjen e kësaj çështjeje.
Duhet theksuar se ajo që shqetëson më shumë futbollin italian është fakti se në hetim janë të përfshira edhe 11 klube të Serie A dhe B.
Bazuar në raportimet nga Italia, prokuroria i ka kërkuar agjentëve të paraqesin 11 dokumente ku përfshihen po aq klube.
Fali Ramadani është një agjent i njohur që ka nën kontratë emra të mëdhenj si Federico Chiesa, Leroy Sane, Kalidou Koulibaly, Ante Rebic, Miralem Pjanic, Marcos Alonso apo Nedim Bajrami.
Këta emra janë vetëm disa nga lojtarët që janë nën kontratë me Lian Sports Group, agjencia ku është edhe Fali Ramadani.
Ndërsa klubet e përfshira në këtë hetim janë Inter, Juventus, Milan, Torino, Fiorentina, Roma, Napoli, Verona, Cagliari, Frosinone dhe Spal./K.T/Gijotina.com
Discussion about this post