Është periudhë merkatoje dhe si zakonisht, ka shumë zëra rreth të ardhmes së futbollistëve të ndryshëm ku sigurisht më shumë bujë bëjnë ato rreth yjeve më të spikatur.
Kështu është edhe rasti i Mohamed Salah, mbi të cilin pretendohej se është takuar me përfaqësues të Paris Saint-Germain për të diskutuar një transferim të mundshëm sezonin e ardhshëm në kryeqytetin francez.
Mirëpo, për të mos lejuar më shumë zhurmë rreth përfaqësuesit të tij, reagoi menaxheri i egjiptianit, Ramy Abbas që përgënjeshtroi lajmin e takimit mes Salah dhe drejtuesve parisienë.
“Është gjithçka e pavërtetë. Nuk ka pasur asnjë takim mes Salah dhe përfaqësuesve të PSG”, shkruan në rrjetet sociale Abbas.
Nga ana tjetër, edhe vetë Jurgen Klopp është shprehur i qetë për të ardhmen e Salah duke theksuar se sulmuesi e dashuron Liverpoolin dhe se nuk i beson aspak zërat e merkatos./SSA
Discussion about this post