Fondi Shqiptar i Zhvillimit, i drejtuar nga Dritan Agolli, po keqpërdor fondet që duhet të jepen për investim në vend. Agolli hap tenderët me justifikimin se plotëson kërkesat dhe nevojat e bashkive për rikonstruktime apo projekte të ndryshme. Por, në fakt këto janë vetëm kamuflime, sepse miliardat shkojnë në xhepat e oligarkëve dhe projektet nuk zbatohen siç janë në letër.
Në dy tenderët e fundit të publikuar, Agolli ka bashkëpunuar me një biznesmen të njohur për mashtrim dhe falsifikim dokumentesh. I gjithë procesi i këtij prokurimi është zhvilluar në shkelje të ligjit. Kështu, vlera e fondeve që vidhen po vjen në rritje, duke boshatisur arkën e shtetit.
Shtyhet afati i kontratës
Konkretisht, tenderi ka si objekt ”Blerje materialesh”, sipas kërkesave të disa bashkive, pa i përcaktuar cilat janë ato. Në prag zgjedhjesh kujtohen të rregullojnë rrugicat dhe trotuaret në fshatrat që përfshijnë. Në këtë rast, kemi të bëjmë me shtyrje të afatit të kontratës që rrjedhimisht ka sjellë dhe kosto shtesë. Në dokumente thuhet se afati i fundit i kontratës ishte data 7 dhjetor 2022 dhe afati është bërë deri me 20 shkurt 2023. Çfarë i ka ndodhur Dritan Agollit që shtyn mbarimin e punimeve me më tepër se 1 vit?!
Jo vetëm afati, por është shtuar vlera e punimeve me 243 milionë lekë, duke bërë që në total shpenzimet për asfalt dhe zhavorr të shkojnë në më shumë se 1.5 miliardë lekë. Këtu vërejmë një tjetër shkelje: Në dokument thuhet se kontrata për shtyrjen e afatit të projektit është nënshkruar me datën 19 janar 2023 dhe Agolli e ka mbajtur të fshehur në sirtar për katër muaj.
Nuk zbatohet kontrata
Por, edhe pse është shtyrë afati i kontratës, firma fituese “VIBTIS” sërish e ka shkelur atë. Ndërkohë, jo në të gjitha bashkitë janë përfunduar projektet e parashikuara, pasi punimet në rrugë vazhdojnë edhe sot që flasim. Shkelje të tilla bëhen shpesh nga bashkëpunëtorët e Agollit nëpër tenderë.
Firma “VIBTIS” ka administrator Ardit Ismailajn, djali i një vëllezërve Idajet dhe Sadik Ismailaj. Kujtojmë se dy biznesmenëve u ka dalë emri për përvetësimin e tokave në bregdet. Rasti më i fundit ishte afera me Plazhin e Manastirit.
Në prill të vitit 2022, Këshilli Kombëtar i Rregullimit të Territorit ka miratuar projektin në kuadër të investitorit strategjik, ku parashikohej që dy vëllezërit Ismailaj do të investonin 28 milionë euro në projektin me sipërfaqe 53,467 m².
Projekti është me objekt “Resort Turistik 2, 3 dhe 4 kate me parkime nëntokë “Manastiri Resort”. Dhe dy vëllezërit e fituan përmes firmës “ALBSTAR”, e njohur për tenderët pa garë që merr shpesh nga institucionet publike.
Lexo edhe: Para zgjedhjeve, Agolli i jep Bashkim Ulajt 10.2 mln euro të BB
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post