Pasi vodhi me projektet në zonat rurale, Agolli është kthyer tek projektet për zonat urbane. SI kreu i FSHZH ai ka urdhëruar të nxirren nga arka 8.2 milion euro, për të rregulluar fazat në zonat 1 dhe 4. Për të përfituar sa më shumë nga ky fond ai ka zhvilluar dy tenderë, të dy në shkelje të ligjit.
Një prej projekteve ka si objekt ]Rigjenerim urban i stokut te banesave, Rajoni 1 (Faza III)[‘. Ku theksohet se, burimi i Financimit: Financimi i këtij objekti është parashikuar në programet buxhetore Infrastruktura Vendore Rajonale (IVR) për periudhën 2024-2026. Pra edhe Agolli po i vjel që tani fondet e dy viteve të ardhshme.
Për këtë tender janë vënë në dispozicion 4.1 milion euro edhe pse bëhet fjalë për rregullimin e fasadave në disa banesa, kryesisht pallate.
“Ky raport përshkruan rehabilitimin e fasadave duke përdorur sistemin kapot, për rritjen e efiçencës energjitike si dhe rritja e qëndrueshmërisë së objektit për një periudhë më afatgjatë. Për të rritur cilësinë e jetës së komuniteteve që popullojnë zonat urbane shihen të nevojshme ndërhyrjet që kanë si qëllim rehabilitimin e blloqeve urbane në qytetet kryesore të vendit, për të krijuar një sistem të përmirësuar në të cilin zhvillohet jeta e banorëve të këtyre zonave”, thuhet në dokument.
Po askund nuk theksohet se ndërtesa kanë nevojë për ndërhyrje dhe në çfarë gjendje është secila prej tyre, madje nuk tregohet specifikisht se në cilat qytete ndodhen ato. Këto mangësi nuk e kanë penguar Agollin të vazhdojë me procedurat, përkundrazi i lehtësojnë rrugën e abuzimit.
Ndërsa në çdo procedurë rriten shkeljet.
Gara për këtë tender është hapur në datë 17 nëntor dhe është mbyllur më 3 tetor. Kanë shfaqur interes 12 kompani, por nuk përbënin asnjë rëndësi për Agollin, 11 prej tyre ai i ka përjashtuar nga gara. Por ka argumentuar skualifkimin vetëm për njërën kompani.
Ndërsa shohim se firma e përzgjedhur për këtë rast ishte DION-AL SHPK , me ofertë 2.9 milion euro. Open data Albania thekson në Flamurin e Ngritur se kjo nuk ishte oferta më e lirë. Për më tepër i është dhënë kontratat pa garë, për shkak se Agolli i fshiu të gjithë konkurrentët e tjerë. Ja në këtë mënyrë fshiu nga arka 2.9 milionë euro dhe i la në duart e Shpresa Joanidhi dhe bashkëpronarëve të saj. Firma e saj njihet për të tjerë tenderë pa garë që ka marrë për përmirësime fasadash. Ndërsa vetë Shpresa në shtator të vitit 2019 u arrestua bashkë me disa biznesmenë të tjerë për krijim skemash mashtruese me TVSh-në dhe prokuroria i akuzoi se ishin shkaktarë të miliona eurove dëm ndaj shtetit. Për habi, kompania e saj, e cila aktualisht ka si pronar bashkëshortin e saj Alfred Joanidhi, djalin e tyre Renaldo Joanidhi dhe një person tjetër të quajtur Aldi Zaimi, vazhdon të marrë ende tendera me shifra marramendëse.
Tjetër Karton të Kuq
Me të njëjtat hapa abuzimi Agolli ka firmosur edhe tenderin tjetër në këtë projekt të madh që ka si objekt ‘Rigjenerim urban i stokut te banesave, Rajoni 4 (Faza III)’. Me Fond limit të njëjtë 4.1 mln euro dhe para që do të sigurohen nga buxhetet e dy viteve të ardhshme. Gara është zhvilluar në të njëjtën ditë me tenderin e parë, kanë marrë pjesë 15 kompani me oferta të ndryshme që mund të ishin shumë më të vlefshme, por Agolli i ka përjashtuar pa asnjë augment ligjor të deklaruar.
Pasi këtë herë kishte përzgjedhur si fituese qysh në fillim bashkimin e operatorëve “Modeste” shpk – “Arkonstudio” shpk – me fond limit 2.8 milionë euro.
Më datë 11 tetor është bërë publike kontratat e firmosur pa garë fare dhe me shkelje të rënda, pasi oferta e tyre ishte më e shtrenjta.
“Modeste” shpk me pronarë Refit Hyseni dhe Xhentil Kotobelli njihet gjithashtu për tendera të përfituara nga rindërtimi, rregullime fasadash kryesisht në Fier. Ndërsa Xhentil Kotobelli me pronar Erjon Këri dhe Krenar Dila mban rekord për tenderët pa garë të përfituara nga Bashkia Tiranë, për rikonstruktim çerdhesh, kopshtesh, shkollash e lagjes, kur në shumë raste është kapur edhe në mashtrim. Kjo firmë gjithashtu është e përfshirë në projektin e madh për ndërtimin e triportit të Vlorë, ku po vidhen lekë me thasë dhe rezultate nuk shohim ende.
Discussion about this post