Afro 5.8 milionë dollarë do t’u kushtoj taksapaguesve ndërhyrja në zonën bregdetare të Spillesë për të përmirësuar rrugën si dhe punimet në unazën e Lushnjës. Më datë 7 qershor 2023, drejtori i Fondit Shqiptar të Zhvillimit ka firmosur aferën e radhës.
Bëhet fjalë për tenderin me objekt “Rehabilitimi i rrugës “Spille, Guri i lëmuar” deri te “Hauzi i Vilëbashtovës” dhe Rruga “Vath Koreshi, Unaza e Lushnjës” me fond limit rreth 5.8 milionë dollarë.
Me këto para FSHZH tregon se do të bëhet rikonstruksioni i segmentit të rrugës paralel me vijën bregdetare pas pishave në Spille, ndërtimi i dy segmenteve të saj deri në plazhin “Guri i Lëmuar” në veri dhe në jug deri tek “Hauzi i Vilebashtovës”.
Ndërsa më tutje në dokument theksohet se segmenti është në gjendje të mirë, por duhet ndërhyrë në sistemimin e trotuareve, kubeve, ndriçimit dhe zgjerimit të tij sipas planit urbanistik, etj.
Pra, vetëm për të rregulluar trotuarin e kësaj rruge dhe për të vënë dritat, Agolli shpenzon 5.8 milionë dollarë.
Ndërsa pjesa tjetër do të shkojë për riparimin e rrugës “Vath Korreshi” në Lushnjë. Në tender nuk përcaktohet se si do të ndahen paratë mes punimeve në rrugët e Spilles dhe në këtë rrugë të Lushnjës. Por, vlen të theksojmë se rruga “Vath Korreshi” është brenda qytetit.
“Rruga do të ketë një gjerësi 19 m, e përbërë nga 4 korsi të asfaltuara me gjerësi 3 m secila. Pothuajse në të gjithë gjatësinë e rrugës mungojnë plotësisht trotuaret nga të dy anët e rrugës, ndërsa asfalti i rrugës është përgjithësisht në gjendje të mirë, me përjashtim të disa dëmeve të pjesshme të shkaktuara ndër vite nga amortizimi dhe punimet e kryera për nëntokën. shërbimet komunale” nënvizon FSHZH.
Fituesi
Por për veç lojës me paratë, tjetër fakt abuzues në këtë tender është fituesi. Kanë paraqitur ofertat e tyre 6 kompani, por Agolli i ka skualifikuar, duke ia falur fitoren firmës G.P.G Company sh.p.k, në pronësi të Paqsor Buzit.
Ky tender ishte nisur për të përfunduar në duart e oligarkëve, sepse vakte të tilla luksi përfundojnë në duart e tyre.
Madje shohim se ofertat e tjera janë paraqitur nga firma si Salillari, Shkëlqim Fusha apo Bashkim Ulaj. Të cilët janë mbuluar deri në fyt me aferat e tenderëve, po aq sa fituesi.
Theksojmë se rruga e bregdetit të Spillesë është premtuar nga Edi Rama gjatë fushatës elektorale të 14 majit, prandaj ndihet arroganca e autoritetit kontraktor që e ka xhiruar këtë fond në shkelje të ligjit të prokurimeve publike.
Lexo edhe: Dritan Agolli brenda një dite ndan 39 miliardë lekë me miqtë e Veliajt, të arrestuar për mashtrim
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post