Sherret për mungesë të karburantit në Britani vazhdojnë prej disa ditësh dhe sot janë agravuar. Radhët e gjata që shtohen çdo ditë kanë sjellë acarim tek qytetarët dhe kanë çuar në përplasje dhe ide të rrezikshme për të marrë sa më shumë karburant.
Ndërkohë episodet e dhunës dhe idetë e çmendura të britanikëve për të mbushur benzinë me kovë janë bërë virale në rrjet. Në foto shihet një burrë, i cili mbush benzinë me kovë dhe disa të tjerë pas tij presin me kova në duar.
Ushtria pritet të ndërmarrë veprime deri në fundjavë , megjithëse qeveria këmbëngul se do të jetë në gatishmëri, me ushtarë në krye të cisternave, mes frikës se kaosi në pikat e karburantit mund të zgjasë deri në fund të tetorit.
E.H/ gijotina.com/
