Situata në Ukrainë duket se është agravuar tepër dhe qëndrimi për këdo atje po bëhet i rrezikshëm. Në ditët e fundit raportohet se disa shqiptarë kanë udhëtuar drejt Ukrainës, madje edhe gazetarë. Për këtë arsye, Ministria e Jashtme ka dalë në një njoftim urgjent, ku i ka bërë thirrje shtetasve shqiptare që të mos udhëtojnë në Ukrainë, ndërsa kërkon nga ata që janë atje, të largohen menjëherë!
“Ministria për Evropën dhe Punët e Jashtme është duke ndjekur me kujdes zhvillimet pranë kufirit ukrainas. Duke marrë parasysh rrezikun e besueshëm të përshkallëzimit të situatës, MEPJ këshillon të mos udhëtohet drejt Ukrainës. Gjithashtu, Ministria për Evropën dhe Punët e Jashtme i bën thirrje shtetasve shqiptarë që të largohen nga Ukraina sa më parë”, thuhet në njoftim. Pak më parë edhe ministria e Jashtme në Ukrainë, i ka bërë thirrje qytetarëve që të ruajnë qetësinë, pasi situata nuk duket aspak e mirë.
Discussion about this post