Kalaja e Gjirokastrës është ndriçuar me ngjyrat e flamurit ukrainas, në shenjë solidarizimi kundër agresionit Rus.
Më herët kryeministri Rama deklaroi se Shqipëria është e hapur për të strehuar emigrantë nga Ukraina. Sakaq, sloganet “antiPutin” kanë pushtuar botën, ndërsa popujt janë solidarizuar me Ukrainën. Po ashtu edhe emra të njohur të futbollit kanë reaguar ndaj kaosit që po ndodh në Evropën Lindore.
Ushtria ruse po shkatërron çdo gjë i del përpara në Ukrainë dhe si pasojë bilanci i të vdekurve rëndohet, ndërsa banorët vrapojnë të tmerruar për të shpëtuar jetën e tyre dhe të familjarëve.
Për 2 ditë rresht po përballemi me foto e video të tmerrshme. Qytetarët ukrainas po jetojnë një makth. Brenda pak orësh ata u detyruan të largoheshin nga shtëpitë e tyre për të gjetur një strehë të sigurt dhe për t’i shpëtuar sulmit rus. Fëmijët e vegjël dhe të moshuarit janë në dëshpërim, duke qarë para kamerës, nga frika e vdekjes.
Discussion about this post