Kryeprokurori i Gjykatës Penale Ndërkombëtare, Karim Khan, ka deklaruar ditën e sotme gjatë një interviste televizive se ai ka shkuar vetë në Ukrainë dhe ka parë tmerr. Khan tha se bazuar në ligj dhe në atë çka i pa vetë dhe mblodhi si prova është e qartë që Rusia po kryen krime lufte në Ukrainë.
“Ligji është i qartë. Është krim të synosh qëllimisht civilë. Është krim të synosh qëllimisht objektiva civilë. Tani, sigurisht, duhet të ketë hetime të mëtejshme,” tha ai për CNN
Ndër të tjera tregoi se në bodrumin e teatrit Mariupol ka ende 1300 njerëz, ndërsa janë shpëtuar vetëm 130 persona.
Khan tha gjithashtu se paditë mund t’i dorëzohen kujtdo, pavarësisht nga grada ushtarake apo roli civil. Ndërsa theksoi se ushtarëve nuk iu jepet e drejta të bëjnë si të duan mbi Ukrainasit vetëm se janë në luftë, aq më pak përdhunime, apo të sulmohen fëmijë. “Nuk ka imunitet për asnjë pozicion zyrtar… Nëse je një ushtar këmbësor në një zonë civile në luftën urbane, nuk ke leje për të përdhunuar, sulmuar fëmijët apo terrorizuar. Dhe nëse je komandant në terren ose nëse je komandant i fushës së betejës që bën sulme ajrore, ose shënjestron vendime ose je një epror civil, sipas statutit të Romës, ka përgjegjësi”, tha Khan. Ndërsa i bëri thirrje Rusisë të ndal sulmet e pakontrolluara pasi do të vuaj pasoja të rënda.
ICC Chief Prosecutor Karim Asad Ahmad Khan talks to @andersoncooper about his war crimes probe after Russia’s invasion of Ukraine pic.twitter.com/FqbwNOxnrB
— CNN (@CNN) March 17, 2022
Discussion about this post