Qeveria shqiptare ia ka ardhur edhe njëherë në mbështetje Ukrainës, për të ndihmuar në luftën kundër Rusisë. Dietën e sotme Këshilli i Ministrave ka vendosur që të japë 1 milion euro ndihmë financiare dhe humanitare për Ukrainën, që ndodhet nën pushtimin e rusëve që prej muajit shkurt. Ky fond do të përballohet nga fondi rezervë i buxhetit të shtetit, miratuar për vitin 2022. Mësohet se ky vendim ka hyrë tashmë në fuqi.
“Dhënien e ndihmës financiare humanitare nga Këshilli i Ministrave i Republikës së Shqipërisë për qeverinë e Ukrainës, në shumën 1 000 000 (një milion) euro. Ministrisë për Evropën dhe Punët e Jashtme, në buxhetin e miratuar për vitin 2022, në programin buxhetor 01120 “Mbështetje diplomatike jashtë shtetit”, llogaria ekonomike 605, t’i shtohet kundërvlera në lekë e fondit prej 1 000 000 (një milion) eurosh. Ky fond të përballohet nga fondi rezervë i buxhetit të shtetit, miratuar për vitin 2022. Ngarkohen Ministria për Evropën dhe Punët e Jashtme dhe Ministria e Financave dhe Ekonomisë për zbatimin e këtij vendimi”, thuhet në vendim.
Në këtë mënyrë Shqipëria i është bashkuar vendeve të tjetra të botës që po ndihmon financiarisht shtetin ukrainas. Ndërkohë në një video-mesazh që presidenti i Ukrainës mbajti në Parlamentin tonë, shprehu falenderimet që Shqipëria dënoi agresionin rus.
Discussion about this post