“Agresorët iu drejtuan makinës”- Flasin familjarët e shqiptarit të…

Tre të rinj shqiptarë ranë pre e dhunës nga 7 agresorë në Hercegnovi të Malit të Zi.

Pas kujdesit të treguar nga autoritetet e dy vendeve, ka folur edhe familja e njërit prej të lënduarve.

Të afërmit e 25-vjeçarit Doris Kopaçi, janë shprehur jashtë kamerave se djali i tyre ishte nisur drejt Gjermanisë për të punuar, për shkak të kushteve tejet të vështira, në kohën kur ndodhi incidenti.

Ata thonë se djali i tyre ndodhej në sediljen e pasme të automjetit kur ka ndodhur ngjarja dhe ka refuzuar të dali nga mjeti në momentin kur agresorët i janë drejtuar makinës.

Familjarët ishin tepër të shqetësuar për këtë situatë madje nuk kanë dashur të flasin përpara kamerave sipas tyre ata kanë kontaktuar me 25 vjeçarin i cili u ka thënë se po kthehet në shtëpi pas kryerjes të të gjitha procedurave.

Ndërkohë i kontaktuar në telefon vetë shtetasi, Doris Kopaçi refuzoi kontaktin me mediat por shpjegoi se tashmë autoritetet e Malit te Zi dhe të Shqipërisë do ta hetojnë këtë rast.

Doris Kopaçi 25 vjeç banon në fshatin Vërdovë të Rrethit të Pogradecit.