Shqyrtimi i ndryshimeve në paketën fiskale ka sjellë shumë debate mes Këshillit të Agrobiznesit dhe Ministrisë së Financave në Komisionin e Veprimtarisë Prodhuese. Drejtoresha e Agrobiznesit Shqiptar, Enida Shena, e ka nisur fjalën e saj me një sërë kritikash ndaj qeverisë në lidhje me buxhetin e viti 2022. Ajo tha se lehtësitë e tjera nuk sjellin as një benefit, për aq kohë sa do të vendoset tarifa 10% për inputet bujqësore. Sipas saj ky vendim dhe ndryshime të tjera në taksat bujqësore dëmton bizneset, sidomos ndërmarrjet e vogla
“Impakti financiar pozitiv në buxhet që pretendohet sipas përllogaritjeve të hartuesve të Paketës fiskale parashikohet rreth 1 miliardë e 750 milionë lekë të reja. Por hartuesit P/buxhetit dhe Paketës fiskale nuk kanë studiuar dhe nuk janë ballafaquar me sektorin privat, për të llogaritur edhe pasojat negative dhe dëmin qe i shkaktohet sektorit privat, veçanërisht sektorit prodhues nga reduktimi buxhetit dhe taksat, tatimet e tarifat shtesë që propozohen në Paketën fiskale”, u shpreh ajo.
Ndër të tjera Shena tha se, sipas parashikimeve dhe vlerësimit paraprak të ekspertëve efektet negative në sektorin privat, por edhe në buxhet nga masat e propozuara janë pa dyshim shumë më të mëdha se sa shifra që mund të përfitohet. Prandaj, ajo propozi që, këto ndryshime të propozuara të mos hyjnë në fuqi pa u bërë studimi i thelluar me dëmin që do i shkaktohet biznesit në sektorin e bujqësisë.
“Propozimi jone është: Taksat, tatimet dhe tarifat shtesë të propozuara në Paketën fiskale që shoqëron Projektbuxhetin e vitit 2022 të mos hynë në fuqi, pa u përfunduar studimi dhe pa u ballafaquar me sektorin privat mbi efektet negative, që do të reflektojnë masat e propozuara ne te gjitha hallkat e zinxhirit te Ekonomisë së Ushqimit ne Shqipëri dhe për rrjedhoje edhe ne buxhetin e shtetit”, thotë Enida Shena.
Gjatë gjithë kohës, fermerët kanë kërkuar që qeveria të konsultohet më parë me ta për vendime kaq të rëndësishme që merr, sepse kështu po i dëmton ata në vend që t’i përkrah. E.H/ gijotina.com/
Discussion about this post