Klubi i Barcelonës ndodhet në një situatë të vështirë pas problemit të Sergio Agueros, që shfaqi probleme me zemrën dhe që duhet të qëndrojë jashtë fushave derisa të provohet nëse është në gjendje të luajë më apo jo.
Tashmë ‘Blaugrana’ ka në dispozicion vetëm dy sulmues Depay dhe Ansu Fatin, pasi edhe Dembele është jashtë fushave për shkak të një dëmtimi, teksa Luuk de Jong ka dalë në një zhgënjim për klubin e Barçës.
Gjendur në një situatë të tillë klubi spanjoll është duke ndjekur me vëmendje lojtarin e Arsenal, Pierre-Emerick Aubameyang. Ai shihet si lojtari ideal për të plotësuar formacionin e Barçës dhe besohet se do e ndihmonte shumë sulmin së bashku me Fatin dhe Depay-n.
Barcelona pritet që ta transferojë 32-vjeçari gjatë merkatos së janarit, por ende nuk dihet të ketë një ofertë zyrtare për të./K.T/Gijotina.com
Discussion about this post