Arben Ahmetaj, ish-zv.Kryeministër i shpallur në kërkim nga SPAK, tha se lufta ndaj tij është shtrirë deri te shokët e fëmijërisë.
Në intervistën për Syri Tv, Ahmetaj tha se SPAK ka shkuar të marrë çarçafët te një banesë, që familjarë të bashkëjetueses së tij ia kanë shitur shokut të fëmijërisë për ti bërë analizat që kisha fjetur unë apo jo.
“E dini ju që një prokuror ka marrë një banesë nga një organizatë fetare”, tha Ahmetaj, ndërsa drejtuesi i emisionit përmendi emrin e Altin Dumanit.
“Ndoshta është edhe ai, por a duhet të hetojnë ne nëse kakëtu ndonjë lidhje me këtë organizatën fetare? Po një prokuror tjetër që ka marrë një banesë me gjysëm çmimi?
Në rastin e Eco Park nuk u bë tender, fitoi kompania e lidhur me familjarë të Kryeministrit. Pse për rindërtimin, që ishte emergjencë u bënë tendera, ndërsa për inceneratorët dhe Eco Park nuk u bë asnjë tender? Pse budalla ishte Alqi Bllako që nuk firmosi? Vetëm budalla nuk është Alqi”, tha Ahmetaj.
Ai shtoi se në dosjen e tij i kanë përmendur dhjetra herë edhe vajzën 3 vjeçare.
Discussion about this post