Ahmetaj: Për çfarë e shiti dinjitetin Top Channel? Për para, për pronësinë apo ka frike

Ish-zv/kryeministri Arben Ahmetaj ka akuzuar televizionin kombëtar Top Channel është “përlyer” në aferën e inceneratorëve.

Ahmetaj pohoi se ky televizion në pronësi të Vjollca Hoxhës e sulmon personalisht pasi kontrollohet jo vetëm politikisht por edhe financiarisht nga kryeministri Edi Rama.

Gjatë intervistës në Syri tv, Ahmetaj tha se Top Channel si një përfitues i madh i parave të aferës së inceneratorëve, tashmë është kthyer në “instrument” shërbyes për Edi Ramën.

“Arsyeja është se është kapur drejtësia. Nuk flet media, media komandohet, bjerini Ben Ahmetajt. Ma kanë pranuar vetë. TCH një televizion i dashur, i një burri mik i shtrenjtë i imi, ndjesë pastë, arrin e më godet mua me urdhër të kryeministrit për arsye, që do i themi tek e treta me data, me emra dhe persona. Shet dinjitetin TCH për çfarë.

Top Channel aspirimi i lirisë së medias në shqipëri, të kthehet në një instrument të Ramës. Cfarë fike kanë? Frikën e financave? Frikën e pastrimit të prave? Frikën e pronësisë? Skanë cfarë frike të kenë është djersa e babait të tyre të ndierë. Po flasim si Top Channel, ka qenë influenca e parave të inceneratorëve që tani ka dalë me fakte dhe orjentimi politik. Pse nuk hetohet ku janë paratë, ku janë 80 milionë eurot?”, tha Ahmetaj.